સામાન્ય અને ફેમિલી સારવાર

દાંતમાં ફિલિંગ

સડાથી દાંતમાં પડેલો ખાડો એટલે કેવિટી. એને એમ જ રહેવા દો તો એ ઊંડો થતો જાય અને નસ સુધી પહોંચી જાય, પછી રૂટ કેનાલ કરાવવી પડે. ફિલિંગ એને શરૂઆતમાં જ અટકાવી દે છે.

WhatsApp પર પૂછો +91 99041 59178

સારવાર કોણ કરશે: ડૉ. રીમા જે. શાહ, BDS, MDS
ક્યાં: સેટેલાઇટ, અમદાવાદ
ખર્ચ: તપાસ પછી જણાવીશું
સમય: સોમથી શનિ, 9:30 થી 1:00 અને 5:00 થી 8:00

અમે દાંતના રંગ જેવું જ ફિલિંગ મટીરિયલ વાપરીએ છીએ, એટલે ફિલિંગ ભાગ્યે જ દેખાય છે.

તમને આવું થાય છે?

ફિલિંગની જરૂર હોય તેના સંકેત

દાંત પર કાળો ડાઘ કે દેખાય એવો ખાડો
એક જ જગ્યાએ વારંવાર ખોરાક ફસાય
ગળ્યું, ગરમ કે ઠંડું ખાતાં દાંતમાં અચાનક ચમક આવે
જીભ અડાડો તો દાંતની ધાર ખરબચડી કે તૂટેલી લાગે
જૂનું ફિલિંગ તૂટી ગયું હોય કે નીકળી ગયું હોય

ફિલિંગ કેવી રીતે થાય છે

1
તપાસ
ડૉ. રીમા દાંત જુએ છે, અને સડો ઊંડો લાગે તો X-ray લે છે.
2
ખાલી કરવું
જરૂર પડે તો ઇન્જેક્શનથી એ ભાગ ખાલી કરાય છે, જેથી તમને તકલીફ ન પડે.
3
સડો કાઢવો
દાંતનો સડેલો પોચો ભાગ કાઢી, ખાડો બરાબર સાફ કરાય છે.
4
ફિલિંગ
દાંતના રંગનું મટીરિયલ થોડું-થોડું ભરીને બ્લૂ લાઇટથી કડક કરાય છે.
5
આકાર આપવો
ફિલિંગને આકાર આપી પોલિશ કરાય છે, જેથી દાંત ભીડતાં બધું નોર્મલ લાગે.

સડેલો ભાગ સાફ કરીને ભરાય છે, એટલે દાંત ફરી સામાન્ય રીતે કામ કરે છે.

ફિલિંગ પછી

ખાલીપણું ઊતરે નહીં ત્યાં સુધી કંઈ ન ખાઓ, નહીંતર ગાલ કરડાઈ શકે
થોડા દિવસ હળવી ઝણઝણાટી લાગવી સામાન્ય છે
દાંત ભીડતાં ફિલિંગ ઊંચું કે અસમાન લાગે તો અમને મેસેજ કરો, અમે સરખું કરી આપીશું
નવો સડો ન થાય એ માટે બ્રશ અને દાંતની વચ્ચેની સફાઈ ચાલુ રાખો

ફિલિંગ માટે અનાયા કેમ

વહેલું પકડો, સહેલું રાખો

સડાની સારવાર વહેલી થાય તો નાનું ફિલિંગ પૂરતું થાય, પછી રૂટ કેનાલની જરૂર ન પડે.

કુદરતી દેખાવ

દાંતના રંગનું ફિલિંગ તમારા દાંત સાથે ભળી જાય છે.

સ્પષ્ટ સલાહ

ફિલિંગથી કામ ન ચાલે અને વધુ સારવાર જોઈએ, તો ડૉ. રીમા શરૂ કરતાં પહેલાં કારણ સમજાવે છે.

પ્રશ્નો